Kia cee’d - in ikinci nəsli təqdimata hazırdır.

   Dinamika və sadəliklə, güc və prestijin vəhdət təşkil etdiyi tam yeni beş qapılı heçbek cee’d 2012-cil il Cenevrə Avto Şousunda ilk debütünü edəcək.

 
 
   Yeni cee’d sələfindən daha uzun, daha böyük olmaqla nisbətən aşağı hündürlüyə malikdir,  təkərlərarası bazanın uzunluğu isə eynidir. Kupeyə uyğun proporsiyaların eleqant sadəliyi ön dirəyin kəskin əyilməsində, ön hissədə dairəvi xəttin çox aşağı olmasında və uzadılmış yan   şüşələrdə vurğulanır. 
 

   Yeni cee’d-in ön hissəsini Kianın ən son interpretasiyası olan pələng burnuna bənzər radiator barmaqlıqları və LED tipli gündüz işıqları yerləşdirilmiş iri aqressiv fənərlər bəzəyir.

   Profildən ön və arxa qanadlar avtomobilin genişliyindən və qətiyyətli duruşundan xəbər verir. Möhkəm və incəliklə işlənmiş qapı səthləri üzərindən əyilmiş ön dirək, geniş kuzov damı və inteqral arxa spoyler yeni modelin şüşə hissəsinin gözəlliyini xüsusi vurğulayır.

 
 
   Eksteryerdə ümumi dizaynın eleqantlığına və gözəlliyinə xələl gətirmədən yeni cee’d-ə prestij və premium görünüş verən çoxlu sayda kiçik, amma mühüm detallar nəzərə çarpır.

   Bura yeni və sadə Kia emblemi, ön faraların çıxıntısı, ön şüşə üst hissə çıxıntılarının KIA ailəsinə məxsusluğunu bildirən cizgilər, xrom yan şüşə kənarları və kuzovun yan hissəsinə qədər uzanan unikal aerodinamik formalı fənərlər daxildir.
 
   Yeni cee’d-in interyerində premium görünüş, yüksək keyfiyyət, təkmilləşdirilmiş kommutasiya qurğusu, sensor texnologiya və erqonomik sürücü yeri diqqət çəkir.

   Cihazlar paneli formasının rəqabətcil dizaynı  və sürücü komfortunu artıran panel ilə seçilir. Əsas idarəetmə paneli sükanın ətrafında cəmlənməklə, sürücünün bütün düymələri asanlıqla idarə etməsinə imkan verir. Əsas idarəetmə panelinə daxil olan audio və kondisioner ayrıca quraşdırılıb ki, bu da interyerə premium, lüks və iri görünüş verir. 
 
   Diqqətlə nəzərdən keçirilmiş detallar salona əvvəlki modellə müqayisədə daha prestijli görünüş verir. Yumşaq materiallar isə idarəetmə mühitinə yeni ab-hava qatır.  Cihazlar və transmissiya nazik xrom işləmələrdən, qapı tutacaqları isə yüksək keyfiyyətli materiallardan hazırlanıb, balıqqulağına bənzəyən bir hissəli bötüv qapı dəstəyi isə  interyerin yeni dizaynının premium xüsusiyyətlərini əks etdirir.