Kia Motors noyabr ayının qlobal satışlarında 22,8% artıma nail olub

- Noyabr ayında ümumi 220.037 ədəd Kia avtomobili satılıb ki, bu da keçən ilin müvafiq göstəricisindən 22,8% çoxdur  

- Noyabr ayında Kia avtomobillərinin Avropa, Şimali Amerika, Çin, “General Market”* və Koreya bazarlarında satışlarında keçən ilin müvafiq dövrü ilə müqayisədə aşağıdakı göstəricilər müşahidə olunub: 40,9%, 36,7%, 33,4%, 25,7% və -11,4% 

 Kia Motors Korporasiyası sərnişin (ixrac satışları, daxili satışlar, və xarici zavodların satışları) və ticarət avtomobillərinin satış rəqəmlərini elan edib: 2011-ci ilin noyabr ayında ümumi satış həcmi 220.037 ədəd təşkil edib. Bu rəqəm keçən ilin müvafiq göstəricisindən 22,8% çoxdur.  

  
Noyabr ayında Kia əsas satış regionlarında güclü ikiqat artım göstəricilərinə nail olub: Avropada 45.985 ədəd (bu isə keçən ilin müvafiq göstəricisindən 40,9% çoxdur), Şimali Amerikada 41.861 ədəd (+36,7%) Çində 48.689 (33,4%) və “General Market”*-də 44.471 ədəd (+25,7%) nəqliyyat vasitəsi satılıb. Noyabr ayında Kia-nın yerli Koreya bazarında isə 39.031 ədəd nəqliyyat vasitəsi satılmaqla satışlar 11,4% aşağı düşüb.        

               
2011-ci ilin ilk on bir ayı üzrə Kia-nın qlobal satışları 2.264.262 ədəd təşkil edib ki, bu da keçən ilin müvafiq dövrü ilə müqayisədə 18,7% artım deməkdir. Şimali Amerika 2011-ci ildə 503.806 ədəd (+33,8%) satış göstəricisi ilə ən yüksək nəticə əldə edib. Digər regionlar da öz növbəsində güclü qənaətbəxş artım göstəricilərinə malikdir: Çin 414.475 ədəd (+29,2%), Avropa  441.573 ədəd (+22,5%), “General Market”* 456.461 ədəd (+11,1%) və Koreya 447.947 ədəd (2,0%).  

2011-ci ilin noyabr ayında Kia-nın dünya üzrə ən çox satılan modeli (37.764 ədəd) “B” seqmentinə aid Rio olub (Çin bazarında “K2” kimi tanınır). Kia-nın “C” seqmentinə aid Cerato (bir çox bazarlarda “Forte” kimi tanınır) 31.178 ədəd satılaraq ikinci yerdə qərarlaşıb. Kompakt CUV seqmentinə aid Sportage, ortaölçülü CUV seqmentinə aid Sorento və “D” seqmentinə aid Optima müvafiq olaraq 30.148, 19.358 və 15.483 ədəd satış göstəriciləri ilə beşliyi tamamlayırlar.

     
Kia Motors Korporasiyasının baş icraçı vitse-prezidenti Tae-Hyun (Tomas Oh) bildirib: “Biz noyabr ayında satışın sürətli artımından çox şadıq. Avropa ilk dəfə olaraq 2011-ci ildə tam yeni Picanto və Rio-nun populyarlığı sayəsində əsas regionlarımız arasında birinci yeri tutub. Uzun müddət gözlənilən tam yeni Optima-nın bu ayın sonları Avropada satışa daxil olması ilə bu yüksək nailiyyətlərin davam edəcəyinə ümid edirik. ”

*Kia-nın “General Market”-inə Mərkəzi və Cənubi Amerika, Karib adaları, Asiya (Çin xaricində), Sakit Okean, Orta Şərq və Afrika ölkələri daxildir.